Dregið var í riðla Evrópudeildar karla í handknattleik í morgun. Fyrirkomulagi keppninnar hefur verið breytt frá síðasta keppnistímabili. Í stað fjögurra riðla með sex liðum í hverjum verður leikið í átta riðlum með fjórum liðum í hverjum á næsta keppnistímabili sem hefst 17. október og lýkur 5. desember. Sextán liða úrslit fara fram í febrúar en á síðustu árum hefur riðlakeppninni lokið í þeim mánuði.
Íslandsmeistarar ÍBV sóttust ekki eftir þátttöku í Evrópudeildinni.
Íslenskir handknattleiksmenn og þjálfarar koma við sögu í nokkrum liðum sem taka þátt eða geta verið með í Evrópudeildinni á komandi keppnistímabili. Þeir eru:
Nantes: Viktor Gísli Hallgrímsson.
Benfica: Stiven Tobar Valencia.
IK Sävehof: Tryggvi Þórisson.
Kadetten: Óðinn Þór Ríkharðsson, markakóngur keppninnar ’22-’23.
Flensburg: Teitur Örn Einarsson.
Sporting: Orri Freyr Þorkelsson.
Þessir taka þátt í forkeppni í lok ágúst og í byrjun september:
RN Löwen: Arnór Snær Óskarsson og Ýmir Örn Gíslason.
Hannover-Burgdorf: Heiðmar Felixson, aðstoðarþjálfari.
Riðlaskipting er sem hér segir:
| A-riðill: | E-riðill: |
| HCB Nantes | Kadetten Schaffhausen |
| IFK Kristianstad | Elverum |
| Benfica | Flensburg |
| RN-Löwen / HC Vardar | HC Lovcen-Cetinje |
| B-riðill: | F-riðill: |
| Górnik Zabrze | Bjerringbro/Silkeborg |
| AEK Aþena | HC Alkaloid |
| Kriens-Luzern | BM Logroño La Rijoja |
| Ystads IF HF / Hannover- Burgdorf | HC Vojvodina |
| C-riðilll: | G-riðill: |
| Balonmano Cuenca | Füchse Berlin |
| Gorenje Velenje | Dinamo Bucaresti |
| IFK Sävehof | Chambéry |
| P.Winterthur / Aguas Santas | RK Izvidac |
| D-riðill: | H-riðill: |
| RK Nexe | Sporting |
| MSK Povazja Bystrica | Tatabánya |
| Skjern | Chrobry Glogow |
| ABC Braga / Trimo Trebnje | Granollers / CSM Constanta |
Forkeppni eftir liðlega mánuð
Eins og sést að ofan þá eru tvö lið í sumum sætum í riðlunum. Það er vegna þess að forkeppninni er ekki lokið. Hún fer fram 26. og 27. ágúst annarsvegar og 2. og 3. september hinsvegar.
Eftirtalin lið leiða saman hesta sína í forkeppninni:
Ystads IF HF – TSV Hannover-Burgdorf.
RK Trimo Trebnje – ABC de Braga.
Aguas Santas Milaneza – Pfadi Winterthur.
HC Vardar 1961 – Rhein-Neckar Löwen.
CSM Constanta – Fraikin BM. Granollers.
