Hverjir verða andstæðingar Íslands í undankeppni EM?

Í dag verður dregið í riðla fyrir undankeppni Evrópumóts kvenna í handknattleik í Cluj-Napoca í Rúmeníu.
Hafist verður handa við að draga klukkan 16 í dag. Bein útsending verður á ruv.is. Einnig fylgist handbolti.is með i textalýsingu.

Íslenska landsliðið verður í öðrum styrkleikaflokki af fjórum, sem þýðir að Ísland dregst á móti einu liði úr flokki eitt, einu úr þriðja flokki og einu úr fjórða flokki

Styrkleikaflokkarnir fjórir

Flokkur 1: Frakkland, Svíþjóð, Holland, Þýskaland, Svartfjallaland, Spánn.
Flokkur 2: Slóvenía, Króatía, Austurríki, Sviss, Serbía, Ísland.
Flokkur 3: Norður Makedónía, Úkraína, Portúgal, Ítalía, Grikkland, Kósovó.
Flokkur 4: Færeyjar, Finnland, Ísrael, Bosnía Herzegovína, Litáen, Belgía.

• Fyrsta og önnur umferð undankeppninni verður leikin 15. – 19. október 2025, þriðja og fjórða umferð 4. – 8. mars 2026 og síðustu tvær umferðirnar verða leiknar frá 8. til 12. apríl 2026.
  
• Lokakeppni EM fer fram Póllandi, Rúmeníu, Tékklandi, Slóvakíu og Tyrklandi frá 3. til 20. desember 2026.