ÍBV mætir Haukum en Valsmenn glíma við Stjörnuna

ÍBV og Haukar drógust saman í undanúrslitum Poweradebikars karla þegar dregið var í hádeginu í dag en undanúrslitaleikirnir fara fram í Laugardalshöll miðvikudaginn 6. mars. Leikurinn hefst klukkan 18.

Síðari leikur undanúrslita Poweradebikarsins verður á milli Stjörnunnar og Vals. Stefnt er á að flauta til leiks klukkan 20.15 í Laugardalshöll.

Afturelding vann bikarkeppnina á síðasta ári en féll úr leik í átta liða úrslitum fyrir ÍBV á síðasta sunnudag.