ÍR er Íslandsmeistari í 4. flokki karla, yngra ár

ÍR varð í dag Íslandsmeistari í 4. flokki karla, yngra ári, þegar leikið var til úrslita við KA í íþróttahúsinu að Varmá í Mosfellsbæ. Sigur ÍR-inga var nokkuð öruggur. Sjö mörk skildi liðin að þegar upp var staðið, 26:19. Í hálfleik hafði ÍR fjögurra marka forskot, 14:10.

Ekki er langt um liðið síðan ÍR varð deildarmeistari í þessum sama árgangi.

Bernard Kristján Owusu Darkoh, leikmaður ÍR, fór á kostum í leiknum og skoraði 17 mörk. Reyndist hann KA-mönnum óþægur ljár í þúfu. Bernard var enda valinn maður leiksins.

Mörk ÍR: Bernard Kristján Owusu Darkoh 17, Baldur Fritz Bjarnson 5, Nathaniel Alileem 2, Jökull Blöndal 1, Patrekur Smári Arnórsson 1.
Mörk KA: Aron Davíð Stefánsson 8, Leó Friðriksson 7, Þórir Hrafn Ellertsson 3, Kristján Breki Pétursson.

Íslandsmeistarar ÍR eru: Alexander Ásgrímsson, Árni Guðnason, Ísar Tumi Gíslason, Baldur Fritz Bjarnason, Bernard Kristján Owusu Darkoh, Daníel Birgisson, Óðinn Bragi Sævarsson, Nathaniel Alileem, Bjartur Dalbú, Jökull Blöndal, Adam Logi Ívarsson, Patrekur Smári Arnórsson.