Íslenska landsliðið er úr leik á heimsmeistaramótinu í handknattleik karla. Króatía vann Slóveníu í síðasta leik milliriðilsins í Zagreb Arena í kvöld, 29:26, og fylgir Egyptum upp í átta liða úrslit mótsins. Egyptaland, Króatía og Ísland enduðu jöfn að stigum, með átta hvert, en í innbyrðisleikjum stendur íslenska liðið verst að vígi með -3 mörk, Króatar eru með +2 mörk og Egyptaland er eitt mark í plús.
Króatar mæta Ungverjum í átta liða úrslitum á þriðjudaginn en Egyptar leika við Evrópumeistara Frakklands.
Nánari skýring:
Þegar þrjú lið verða jöfn að stigum er eingöngu litið til úrslita í leikjum þeirra í milli.
Ísland er með -3 mörk (27:24 sigur á Egyptum en 32:26 tap fyrir Króatíu). Egyptar hafa +1 mark (28:24 sigur á Króatíu en 27:24 tap fyrir Íslandi). Króatía er með +2 mörk (32:26 sigur á Íslandi en 28:24 tap fyrir Egyptum).
