Sænska handknattleiksliðið HF Karlskrona, sem um þessar mundir hefur miklar tengingar við íslenska handknattleiksmenn, er áfram á hættusvæði í sænsku úrvalsdeildinni í karlaflokki. Í gærkvöldi tapaði HF Karlskrona fyrir Alingsås HK á heimavelli, 26:23, eftir að hafa verið yfir, 10:9, að loknum fyrri hálfleik.
HF Karlskrona er í 11. sæti með 14 stig eftir 22 leiki og á fjórar viðureignir eftir. Liðin sem hafna í 11., 12. og 13. sæti taka þátt í umspilskeppni í vor um áframhaldandi veru í deldinni.
Dagur Sverrir Kristjánsson var eini Íslendingurinn sem skoraði í leiknum í gær. ÍR-ingurinn fyrrverandi skoraði tvisvar sinnum.
Ólafur Andrés Guðmundsson og Þorgils Jón Svölu Baldursson skoruðu ekki mark að þessu sinni. Phil Döhler fyrrverandi markvörður FH varði 7 skot, 30,4% þann tíma sem hann stóð vaktina sem var nærri helmingur leiktímans.
Stöðuna í sænsku úrvalsdeildinni og í fleiri deildum evrópsks handknattleiks er að finna hér.
