- Auglýsing -
Áfram verður heimilt að keppa í íþróttum eftir að hert verður á sóttvarnartakmörkunum í framhaldi af aðgerðum ríkisstjórnarinnar í morgun. Áhorfendum verður með öllu óheimilt að koma á kappleiki á meðan nýjar reglur verða í gildi en þær eiga að standa fram til 2. febrúar, eftir því sem næst verður komist.
Það þýðir að ekki verður röskun á keppni á Íslandsmótinu í handknattleik umfram það sem verið hefur vegna smita sem komið hafa upp hjá leikmönnum eins og annarstaðar í samfélaginu undanfarnar vikur.
Íþróttastarf fær að halda áfram í 50 manna hólfum og á það við um börn og fullorðna. Þó verða áhorfendur á öllum íþróttaviðburðum bannaðir. Fjölmiðlafólk má áfram sækja kappleiki að uppfylltum ákveðnum skilyrðum.
- Auglýsing -
