Róbert Aron Hostert fetaði í gærkvöld i fótspor Baldvins Þorsteinssonar þegar hann varð Íslandsmeistari með þriðja liðinu á ferlinum. Róbert Aron vann fyrst titilinn með Fram 2013 og síðar með ÍBV í tvígang áður en hann var í sigurliði Vals á Íslandsmótinu í gær.
Baldvin vann Íslandsmeistaratitilinn með KA, Val og FH áður en hann rifaði seglin.
Þeir eru þó ekki methafar í þessu efnum sem leikmenn. Nína Kristín Björnsdóttir varð Íslandsmeistari í handknattleik sem leikmaður með liðum fjögurra félaga á ferlinum, Haukum, Stjörnunni, ÍBV og Val þar sem hún lauk ferlinum 2010.
Anna Úrsúla Guðmundsdóttir hefur unnið Íslandsmeistaratitilinn með Gróttu og Val auk þess sem hún lék fyrri hluta tímabilsins 2008/2009 með Stjörnunni sem varð Íslandsmeistari um vorið. Anna Úrsúla gekk til liðs við Esbjerg í Danmörku ársbyrjun 2009.
Ábendingar um fleiri handknattleiksmenn sem hafa orðið Íslandsmeistarar í handknattleik karla og kvenna með þremur eða fleiri liðum á ferlinum eru vel þegnar á netfangið [email protected]
- Haukar mæta Lviv tvisvar á Ásvöllum um helgina
- Molakaffi: Sabate hættir, Filter, lögðu árar í bát, Kündig
- Dagur stýrði Króötum til öruggs sigurs á Slóvenum – öll úrslit vináttuleikja
- Grill 66 kvenna: 10 marka sigur Víkinga – Fjölnir önglaði í tvö stig
- Sandra á sigurbraut í Oldenburg
