Jón Ísak lét til sín taka

Jón Ísak Halldórsson átti góðan leik fyrir Lemvig-Thyborøn Håndbold er liðið vann Odder Håndbold örugglega á útivelli, 40:32, í dönsku B-deildinni í dag.

Lemvig-Thyborøn siglir lygnan sjó um miðja deild. Liðið er í sjöunda sæti af 14 liðum með 19 stig, sjö stigum frá umspilssæti og 13 stigum fyrir ofan fallsætin.

Jón Ísak, sem samdi við Lemvig-Thyborøn fyrir yfirstandandi tímabil, skoraði fjögur mörk í stórsigri dagsins og var þriðji markahæsti leikmaður liðsins.

Hann er 19 ára vinstri skytta og leikstjórnandi sem var áður á mála hjá TTH Holstebro í dönsku úrvalsdeildinni.