Handknattleiksþjálfarinn Jörgen Freyr Ólafsson hefur skrifað undir nýjan tveggja ára samning við norska félagið Rival um þjálfun kvennaliðs félagsins. Jörgen Freyr var áður þjálfari um árabil hjá FH flutti til Haugasunds í Noregi sumarið 2023 og hefur gert það gott síðan sem þjálfari kvennaliðs félagsins auk þess að sinna þjálfun yngri flokka, eftir því sem næst verður komist.
Frá þessu var greint í Haugesunds Avis í gær.
Rival hefur flust upp um eina deild en samkeppnin er hörð við að þræða nálaraugað upp á milli neðri deildanna í Noregi. Á vef Haugesunds Avis kemur fram að Jörgen Freyr hafi unnið gott starf í nærri tvö ár við uppbyggingu handknattleiksins, ekki síst hjá kvennaliðinu. Stefnan hefur verið sett á að liðið mjaki sér enn nær næst efstu deild á næstu árum.
