-Auglýsing-

KA-drengirnir unnu einnig gullverðlaun

30.12.25

Gull-lið KA með sigurlaun sín á Norden Cup. Aftari frá vinstri: Kristinn Hreinsson, Fannar Helgi Kristinsson, Andri Stefán Haddsson, Hermann Hrafn Guðlaugsson, Ragnar Starri Atlason, Andri Snær Stefánsson þjálfari. Fremri röð frá vinstri: Jaki Ragnarsson, Haukur Leó Sveinsson, Atli Hrafn Hlynsson og Sölvi Snær Andrason.

- Auglýsing -

Drengirnir í 5. flokki karla hjá KA fylgdu eftir sigri stúlknaliðs KA/Þór í morgun og unnu einnig úrslitaleik Norden Cup-mótsins í handknattleik í Gautaborg. KA-drengirnir unnu sænskt félagslið, Kärra HF, 18:16, í jöfnum og spennandi úrslitaleik. Eins og stelpurnar þá unnu strákarnir fimm af sex viðureignum sínum á mótinu.

KA-drengirnir lögðu danska liðið HEI að velli 20:19 eftir ótrúlegan karakter í áhugaverðum leik í 8-liða úrslitunum. Þeir burstuðu norska liðið Kolbotn 25:13 í undanúrslitunum í gær.

FH vann gullverðlaun á Norden Cup-mótinu fyrir tveimur árum í sama aldursflokki og KA.

FH vann gull á Norden Cup