HK-ingurinn Kári Tómas Hauksson leikur með þýska 3. deildarliðinu í vetur. Hann hefur samið við félagið eftir því sem fram kemur á heimasíðu félagsins. Kári Tómas fetar þar með í fótspor þekktra íslenskra handknattleiksmanna sem komið hafa við sögu félagsins í gegnum tíðina.
Atli reið á vaðið
Atli Hilmarsson reið á vaðið fyrir hönd Íslendinga er hann lék með Hameln frá 1981 til 1983. Kristján Arason kom til Hameln tveimur árum eftir að Atli kvaddi og lék með í eitt tímabil, 1985 til 1985. Þá eins og nú lék Hamlen í neðri deildum. Alfreð Gíslason var þjálfari Hameln frá 1997 og fram í fyrstu mánuði ársins 1999. Á fyrra ári Alfreðs hjá Hameln lék Finnur Jóhannsson um skeið með liðinu sem þá var í efstu deild.
Kári Tómas, sem skoraði 39 mörk í 21 leik með HK á síðustu leiktíð, er unnustu landsliðskonunnar Elínar Rósu Magnúsdóttur sem leikur með grannliðinu Blomberg-Lippe.
