- Auglýsing -
- Þórey Rósa Stefánsdóttir er eina handknattleikskonan sem hefur afrekað það að taka þátt í tveimur heimsmeistarakeppnum í handknattleik, sem íslenska landsliðið hefur tekið þátt í. Fyrst á HM í Brasilíu 2011 og síðan nú, 2023, í Noregi/Svíþjóð og Danmörku.
- Þórey Rósa hafði leikið 8 HM-leiki fyrir leikinn gegn Angóla og skorað mörk í þeim öllum; gegn Svartfjallalandi (1), Angóla (2), Noregi (1) Þýskalandi (3), Kína (2) og Rússlandi (3) 2011 í Brasilíu og nú gegn Slóveníu (2) og Frakklandi (2).
- Þórey Rósa hefur tekið þátt í þremur sigurleikjum á HM; gegn Svartfjallalandi 22:21, Þýskalandi 26:20 og Kína 23:16.
- Hægri hornamaðurinn Þórey Rósa er næst elst í liðinu, 34 ára – fædd 14. ágúst 1989. Hún er tveggja barna móðir og ein af fjórum mömmum í landsliðinu.
- Þórey Rósa, sem er Framari, hóf að leika með meistaraflokki Fram 2005 til 2009, en þá gekk hún til liðs við hollenska liðið Huyser E en O, Emmen og lék með því til 2011. Þá fór hún til þýska liðsins Oltenburg 2011 og þaðan til danska liðsins Team Tvis Holstsbro 2011-2013 og varð Evrópubikarmeistari með liðinu. Þórey Rósa lék með norska liðinu Vipers Kristianstad 2013-2017, en kom þá heim og hóf að leika á ný með Fram.
Ágúst Þór Jóhannsson, aðstoðarþjálfari landsliðsins, var aðalþjálfari liðsins á HM 2011. Hann er hér á mynd með Hrafnhildi Ósk Skúladóttur á HM í Brasilíu og hin mynd sýnir Þórey Rósu fagna marki í leik gegn Þýskalandi í Brasilíu.
- Það er einstakt afrek hjá Þórey Rósu að leika á tveimur HM; með 12 ára millibili. Það sýnir best hvað hún er mikil keppnismanneskja.
- Auglýsing -
