Leikmenn Kríu komu sáu og sigruðu í kvöld í fyrstu viðureign sinn við Fjölni í undanúrslitum umspils um sæti í Olísdeild karla í handknattleik á næstu leiktíð. Leikið var í Dalhúsum og fór Kría með sjö marka sigur í farteskinu, 27:20, eftir að hafa verið sex mörk yfir að loknum fyrri hálfleik, 14:8.
Liðin mætast öðru sinni í Hertzhöllinni á Seltjarnarnesi á laugardaginn klukkan 14. Vinni Kría einnig þá viðureign mætir liðið annað hvort Víkingi eða Herði úrslitum umspilsins.
Kríumenn hafa verið fremur daufir í síðustu leikjum sínum í Grill 66-deildinni. Ljóst er af leiknum í kvöld að það var aðeins lognið á undan storminum þar sem kröftum var safnað til gagnsóknar. Kríuliðið var mikið sterkara í leiknum í kvöld og var með tögl og hagldir frá upphafi til enda.
Mörk Fjölnis: Goði Ingvar Sveinsson 4, Viktor Berg Grétarsson 3, Brynjar Óli Kristjánsson 3, Alex Máni Oddnýjarson 3, Stefán Friðrik Aðalsteinsson 2, Óðinn Freyr Heiðmarsson 1, Elvar Þór Ólafsson 1, Elvar Otri Hjálmarsson 1, Aðalsteinn Örn Aðalsteinsson 1, Þorleifur Árni Aðalsteinsson 1.
Mörk Kríu: Kristján Orri Jóhannsson 6, Jóhann Kaldal Jóhannsson 6, Aron Valur Jóhannsson 4, Vilhjálmur Geir Hauksson 3, Daði Laxdal Gautason 3, Viktor Andri Jónsson 2, Árni Benedikt Árnason 1, Sigþór Gellir Michaelsson 1, Viktor Orri Þorsteinsson 1.
Glatt var á hjalla hjá leikmönnum Kríu í klefanum eftir sigurinn í kvöld eins sjá má hér fyrir neðan.
20-27 sigur í fyrsta leik í playoffs vs Fjölnir ✅ Seðillinn elskar stóru leikina, Litli king er bestur í sambandi, Árni Ben er ekki góður í vörn 🤔😂og listamaðurinn og geitin heldur uppteknum hætti og skorar þegar hann vill 🤤
— Kría – Handbolti (@KHandbolti) May 19, 2021
GGWP 🤝#RoadToOlís #Kría4Life #KOMASVOKRÍUMENN pic.twitter.com/QahiyIBxJe
