- Auglýsing -
- Orri Freyr Þorkelsson, landsliðsmaður í handknattleik fór á kostum og skoraði 10 mörk fyrir Sporting í stórsigri á smáliðinu Académico Funchal í 32-liða úrslitum portúgölsku bikarkeppninnar í kvöld, 42:23. Leiknum var frestað fyrir áramót þegar leikið var í 32-liða úrslitum fóru fram.
- Aldís Ásta Heimisdóttir átti stórleik í kvöld þegar lið hennar, Skara HF, vann Önnereds með 10 marka mun, 30:20, í sænsku úrvalsdeildinni í handknattleik á heimavelli. Aldís Ásta skoraði sex mörk í sjö skotum og gaf fjórar stoðsendingar. Skara treysti stöðu sína í þriðja sæti úrvalsdeildarinnar. Liðið hefur 22 stig eftir 16 umferðir og er aðeins stigi á eftir Sävehof. Skuru er efst með 24 stig en hefur lokið 15 leikjum. Önnereds er í fjórða sæti, fjórum stigum á eftir Skara HF.
- Birta Rún Grétarsdóttir skoraði þrjú mörk þegar lið hennar Fjellhammer vann Storhamar2, 29:20, útivelli í næsta efstu deild norska handknattleiksins í kvöld. Fjellhammer er í öðru sæti deildarinnar með 31 stig eftir 18 leiki, er tveimur stigum á eftir Dönu Björgu Guðmundsdóttur og samherjum í Volda sem tróna á toppnum. Volda átti ekki leik í kvöld.
- Auglýsing -
