Þýski landsliðsmaðurinn Nils Lichtlein verður ekki með landsliðinu á sunnudaginn í síðari vináttulandsleik Þýskalands og Íslands í handknattleik sem fram fer í SAP Garden í München. Lichtlein meiddist í viðureigninni í gær og hefur þátttaka hans þar með verið afskrifuð, eftir því sem þýskir fjölmiðlar greina frá.
Alfreð Gíslason landsliðsþjálfari Þýskalands hefur ekki í hyggju að kalla inn mann í stað Lichtlein og mun þar með tefla fram 15 leikmönnum í síðari viðureigninni.
Lichtlein er örvhent skytta og samningsbundinn Füchse Berlin. Hann er 23 ára gamall og er í hópi upprennandi leikmanna þýska landsliðsins sem Alfreð hefur verið að byggja upp á síðustu árum.
Fyrir þá sem eru eldri en tvæ vetur má geta þess að Carsten Lichtlein, fyrrverandi landsliðsmarkvörður Þýskalands, er föðurbróðir Nils Lichtlein.
