Eftir hádegið í dag verður loksins flautað til leiks í Grill 66-deild kvenna eftir langt hlé og nokkuð ljóst að mikil eftirvænting ríkir hjá leikmönnum og þjálfurum að hefja keppni aftur. Fjórir leikir verða á dagskrá og hefjast tveir þeirra strax eftir hádegið, einn síðdegis og sá síðasti klukkan 19.30. Leikjadagskráin er hér fyrir neðan.
Aðeins var tveimur umferðum lokið þegar hlé var gert á keppni í Grill 66-deildinni í lok september, þar af voru tvö lið aðeins búin að leika einu sinni, hvort. Ungmennalið Fram og sameinað lið Fjölnis/Fylkis eru með fjögur stig eftir tvo leiki.
Eitt lið situr yfir í hverri umferð og í dag er það Grótta sem verður að bíða í viku eftir að hefja keppni á ný í deildinni.
Leikir dagsins:
Hleðsluhöllin: Selfoss – Fjölnir/Fylkir kl. 13.30 – SelfossTV.
Kórinn: HK U – Víkingur, kl. 13.30.
Varmá: Afturelding – Fram U, kl. 17 – AftureldingTV
Origo-höllin: Valur U – Grótta, kl 19.30.
Engum áhorfendum verður leyft að vera viðstaddir leikina. Þess vegna er kjörið fyrir áhugasama að fylgjast með útsendingum á netinu.
Næsta umferð fer fram fram eftir viku.
ÍBV mætir Fram
Einnig verður einn leikur í Olísdeild kvenna í dag. Eina taplausa lið deildarinnar, ÍBV, sækir Fram heim klukkan 14. Leikurinn verður sýndur í beinni útsendingu á Stöð2sport.
