Unglingalandsliðskonan Lydía Gunnþórsdóttir hefur skrifað undir nýjan eins árs samning við KA/Þór og verður þar af leiðandi í eldlínunni með liðinu í Grill66 deildinni í vetur.
Lydía, sem verður 18 ára seinna í mánuðinum, hefur þrátt fyrir ungan aldur verið í verulegu hlutverki í meistaraflokksliði KA/Þórs undanfarin ár og hefur nú leikið alls 52 leiki í deild, bikar og Evrópu.
Lydía var í 18 ára landsliðinu sem tók þátt í HM í Kína í síðasta mánuði. Einnig lék hún með U17 ára landsliðinu á EM í Svartfjallalandi sumarið 2023.
KA/Þór féll úr Olísdeildinni í vor og leikur þar af leiðandi í Grill 66-deildinni á komandi leiktíð. Liðinu er spáð góðu gengi í deildinni og hafnaði m.a. í efsta sæti í árlegri spá þjálfara og fyrirliða sem birt var á kynningafundi Olís- og Grill 66-deildanna á þriðjudaginn.
Fyrsta viðureign KA/Þórs í deildinni verður í KA-heimilinu gegn Haukum2 sunnudaginn 15. september.
Akureyrarliðin verða Grillmeistarar
