„Eftir tap fyrir tveimur mjög sterkum liðum þá var stefnan allan tímann að vinna Kúbu og það tókst. Við vorum með leikinn í okkar höndum frá upphafi,“ sagði Hafsteinn Óli Ramos Rocha leikmaður landsliðs Grænhöfðaeyja glaður í bragði eftir að sæti í milliriðlakeppni HM var tryggt með 10 marka sigri á Kúbu í Zagreb Arena í kvöld, 38:28.
Hafsteinn Óli lék með nokkrar síðustu mínúturnar og skoraði eitt mark og átt eina stoðsendingu. Hann var skiljanlega í sjöunda himni með úrslitin og að hafa skoraði sitt fyrsta HM-mark.
Hafsteinn Óli og félagar mæta Króötum í fyrstu umferð milliriðlakeppninnar. „Maður getur varla beðið um meira,“ sagði sagði Hafsteinn sem var einnig í sjöunda himni með fyrsta landsliðsmarkið og skemmtilega stoðsendingu á línumann sem var ekki með á nótunum svo sendingin endaði hjá vinstri hornamanni Grænhöfðaeyja. Sá þakkaði fyrir sendinguna og skoraði.
Maður er með leikskilninginn
„Ég vissi að ef línumaðurinn myndi ekki grípa boltann þá færi boltinn í hornið. Maður er með leikskilninginn,“ sagði Hafseinn Óli og brosti. Hann átti ekki von á skömmum frá þjálfaranum eftir leikinn.
Enginn hárblásari
„Kallinn verður ekki með hárblásarann uppi við núna. Hann er skælbrosandi,“ sagði Hafsteinn Óli Ramos Rocha í samtali við handbolta.is.
Lengra viðtal við Hafstein Óla er ofar í þessari grein.
