Handknattleiksmaðurinn Magnús Óli Magnússon hefur skrifað undir nýjan tveggja ára samning við Val. Hann verður þar með samningsbundinn Hlíðarendaliðinu út leiktíðina vorið 2026. Magnús Óli er annar öxulleikmaður Valsliðsins sem endurnýjar samning sinn við félagið á skömmum tíma. Fyrir helgina var tilkynnt að Róbert Aron Hostert haldi áfram að leika með liði félagsins.
Magnús Óli kom til Vals sumarið 2017 eftir að hafa verið í Svíþjóð um tveggja ára skeið og leikið Ricoh í úrvalsdeildinnni. Hann lék í yngri flokkum og upp í meistaraflokk með FH allt þangað til farið var til Svíþjóðar sumarið 2015.
Undanfarin ár hefur Magnús Óli átt sæti í landsliðinu af og til. M.a. tók hann þátt í HM 2021 í Egyptalandi og var kallaður til Búdapest á EM 2022 þegar veikindi herjuðu á íslenska hópinn. Magnús lék nokkra leiki á EM og síðan komið við sögu í æfingahópum landsliðsins, síðasta í byrjun nóvember á síðasta ári.
