Meistaradeildin: Mørk skoraði 13 mörk í stórleiknum í Esbjerg

Meistaradeild kvenna í handknattleik rúllaði af stað um helgina með átta leikjum. Ríkjandi meistarar í Vipers Kristiansand fóru vel af stað og vann franska liðið Brest örugglega á heimavelli 31-24. Stærstu tíðindi helgarinnar voru líklega þau að Bietigheim vann sinn fyrsta leik í Meistaradeildinni í 22 mánuði. Þýsku meistararnir unnu Banik Most frá Tékklandi, 46-23. Buducnost sigraði Kastamonu og þar með lengdist enn í taphrinu tyrkneska liðsins. Umferðinni lauk með stórleik Esbjerg og Györ þar sem að þær ungversku fóru með sigur af hólmi 31-29 í  æsispennandi leik.

Úrslit helgarinnar

A-riðill:

FTC 27 – 23 Odense (12-12).

• FTC byrjaði leikinn af miklum krafti og komst snemma í 5-1 forystu.
• Danska liðið náði að vinna sig inní leikinn og þar munaði mestu um frammistöðu Altheu Reinhardt, markvarðar. Hún var með 42,1% markvörslu í fyrri hálfleik.
• Kinga Janurik markvörður FTC átti einnig skínandi leik. Hún varði alls 12 skot eða 35% og var stöðugt að valda leikmönnum Odense erfiðleikum.
• Angela Malestein vinstri hornamaður FTC var markahæst með 7 mörk.
• Nömi Hafra fyrrverandi liðsmaður FTC  náði aðeins að skora eitt mark fyrir Odense.

Vipers 31 – 24 Brest (18-13).

• Viðsnúningur leiksins varð á milli átjandu og tuttugustu og fjórðu mínútu þegar að Vipers skoraði sex mörk gegn engu og breytti stöðunni úr 9-10 í 15-11.
• Mikilvægasti leikmaðurinn á síðustu leiktíð, Marketa Jerabkova, var frábær í leiknum.  Hún var markahæst hjá Vipers með níu mörk.
• Næst leikreyndasti leikmaðurinn í Meistaradeild kvenna á þessari leiktíð, Katrine Lunde, sýndi að hún er ennþá einn besti markvörðurinn í kvennahandboltanum. Lunde varði 16 skot, 42%.
• Djurdjina Jaukovic, vinstri skytta franska liðsins er kominn aftur eftir að hafa verið meidd allt síðasta tímabil. Hún var markahæst í liði Brest með sex mörk.
• Norska liðið er sem fyrr sterkt á heimavelli. Vipers hefur aðeins tapað tveimur heimaleikjum á síðustu tveimur leiktíðum í Meistaradeildinni.

Banik Most 23 – 46 Bietigheim (12-23).

• Með þremur mörkum frá danska hornamanninum Trine Østergaard Jensen, þá náði Bietigheim 12-3 kafla og komust í forystu, 14-5, eftir aðeins níu mínútna leik.
• Østergaard Jensen skoraði einnig fimmta mark þýska liðsins í leiknum. Það var þúsundasta markið í sögu liðsins í Meistaradeild kvenna.
• Þetta var í fyrsta sinn á fjórum leiktíðum í Meistaradeildinni sem að Bietigheim tekst að vinna  fyrsta leikinn á leiktíðinni.
• Allir útileikmenn þýska liðsins náðu að skora í leiknum. Veronika Mala varð markahæst með átta mörk.
• Með því að skora 46 mörk skráir Bietigheim sig í sögubækurnar með því að skora næst flest mörk í einum leik keppninnar. Metið á Vardar Skope sem skoraði 47 mörk gegn Krim fyrir nokkrum árum.

CSM Búkaresti 30 – 28 Krim (17-19).

• Með þremur mörkum í röð frá Grace Zaadi í upphafi seinni hálfleik náði CSM 7-2 kafla og þar með undirtökum í leiknum.
• Jovanka Radicevic skoraði níu mörk í fyrir  Krim. Hún hefur þar með skorað 987 mörk í Meistaradeildinni.
• Daria Dmitrieva átti góðan leik fyrir Krim og skoraði sex mörk úr fyrstu sex skotunum sínum í leiknum og alls níu mörk þegar upp var staðið.
• Grace Zaadi var markahæst í liðið CSM með átta mörk, öll í seinni hálfleik.
• Þetta er sjöunda árið í röð sem að CSM vinnur fyrsta leikinn sinn í Meistaradeildinni.
  
  
  

B-riðill:

Kastamonu 27 – 40 Buducnost (13-20).

• Buducnost byrjaði leikinn mun betur. Armelle Attingré átti góðan leik í markinu en tyrkneska liðið náði þó að koma til baka og minnka muninn niður í þrjú mörk um miðjan hálfleik.
• Góð frammistaða hjá Milenu Raicevic og Mateu Pletikosic milli á sjö mínútna kafla í fyrri hálfleok hjálpaði svartfellska liðinu að vera með sjö marka forystu í hálfleik.
• Katarina Jezic var markahæst í liði Kastamonu með átta mörk en hún var með 100% skotnýtingu í leiknum.
• Tyrkneska liðið hefur nú tapað 15 leikjum í röð í Meistaradeild kvenna.

Lokomotiva Zagreb 27 – 31 CS Rapid Búkaresti (12-16).

• Lokomotiva, sem er með yngsta liðið í Meistaradeildinni á þessari leiktíð, fór vel af stað og hafði frumkvæðið fyrstu sjö mínútur leiksins. Mestu munaði um frammistöðu Tenu Petika og Lenu Ivancok.
• Rapid Búkaresti náði svo góðum fimm marka kafla og sneri leiknum sér í vil.
• Rúmenska liðið hafði yfirhöndina í seinni hálfleik þar sem að þær Alexandra-Diana Badea og Ivana Kapitanovic voru markahæstar með sjö mörk hvor.

Esbjerg 29 – 31 Györ (13-13).

• Það var jafnt á öllum tölum þar til á 16. mínútu leiksins þegar að ungverska liðið náði að skora þrjú mörk í röð og forystu í fyrsta sinn. Frábær frammistaða Silje Margarheta Solberg í marki Györ hafði mikið að segja.
• Danska liðið neitaði að gefast upp og náði að jafna metin, 13-13, áður flautað var til hálfleiks.
• Liðin skiptust á að hafa forystuna í seinni hálfleik og allt stefndi í spennandi lokamínútur.
• Györ var sterkari á lokakafla. Sandra Toft átti nokkrar góðar markvörslur í markinu í seinni hálfleik.
• Kristine Breistol var næst markahæst hjá Esbjerg með sex mörk.
• Nora var sínum gömlu liðsfélögum erfið. Hún skoraði 13 mörk.

Metz 32 – 22 Storhamar (21-9).

• Tamara Horacek kom Metz í 5-2 en það var sögulegt mark því að það var mark númer 4.200 hjá franska liðinu í Meistaradeild kvenna.
• Storhamar gekk erfiðlega að finna svör gegn gríðarlega öflugum varnarleik franska liðsins og tókst m.a. ekki að skora í 12 mínútur.
• Metz náði 6-0 kafla um miðjað fyrri hálfleik og það gaf tóninn fyrir það sem koma skildi.
• Maja Jakobsen var markahæst í liði Storhamar með átta mörk.
• Axel Stefánsson er annar þjálfari Storhamar.