Meistarakeppni HSÍ á miðvikudag og laugardag

- Auglýsing -

Handknattleikstímabilið hefst formlega á miðvikudagskvöld þegar FH og Valur mætast í Meistarakeppni HSÍ í karlaflokki í íþróttahúsinu í Kaplakrika, heimavelli Íslands- og deildarmeistara FH. Andstæðingurinn, Valur, vann bikarkeppnina á síðasta keppnistímabili auk Evrópubikarkeppninnar í maí.

Flautað verður til leiks klukkan 19.30 í Kaplakrika á miðvikudaginn.

Á laugardaginn eigast við Valur og Stjarnan í Meistarakeppni HSÍ í kvennaflokki. Leikurinn fer fram á heimavelli Íslands-, bikar-, og deildarmeistara Vals. Stjarnan lék til úrslita við Val um bikarmeistaratitilinn í mars sl. og þess vegna kemur það í hlut Garðabæjarliðsins að taka þátt í Meistarakeppninni að þessu sinni.

Leikur Vals og Stjörnunnar hefst klukkan 13.30 í N1-höll Vals á Hlíðarenda.

Leikjadagskrá Olísdeilda