Íslandsmeistarar Vals mæta FH í átta liða úrslitum Coca Cola-bikarsins í handknattleik karla á mánudagskvöldið eftir að þeir unnu Víkinga með sjö marka mun, 31:24, í Víkinni í kvöld. Enginn vafi leikur á að það verður stórleikur átta liða úrslitanna. Viðureignin fer fram í Origohöllinni, heimavelli Vals.
Eins og e.t.v. var viðbúið þá voru Valsmenn sterkari en Víkingar sem eru að byggja upp lið sitt eftir að hafa fengið óvænt sæti í Olísdeildinni í sumar. Valur var sex mörkum yfir í hálfleik, 18:12. Munurinn hélst nær óbreyttur til leiksloka.
Mörk Víkings: Arnar Huginn Ingason 4, Jóhann Reynir Gunnlaugsson 4, Benedikt Elvar Skarphéðinsson 4, Arnar Steinn Arnarsson 2, Styrmir Sigurðsson 2, Gísli Jörgen Gíslason 2, Jóhannes Berg Andrason 2, Hjalti Már Hjaltason 2, Arnar Gauti Grettisson 1, Jovan Kukobat 1.
Mörk Vals: Tumi Steinn Rúnarsson 6, Tryggvi Garðar Jónsson 6, Finnur Ingi Stefánsson 5, Arnór Snær Óskarsson 4, Þorgils Jón Svölu Baldursson 3, Róbert Aron Hostert 2, Vignir Stefánsson 2, Agnar Smári Jónsson 2, Stiven Tobar Valencia 1.
