- Auglýsing -
- Eftir sigur í þremur fyrstu leikjum tímabilsins í sænsku úrvalsdeildinni töpuðu Elín Klara Þorkelsdóttir og liðsfélagar í IK Sävehof í dag í heimsókn til Höörs HK H 65, 31:22.
- Elín Klara átti stórleik og skoraði 10 mörk, þar af fimm úr vítaköstum, tæplega helming marka IK Sävehof sem eftir sem áður er efst í deildinni með sex stig eftir fjóra leiki eins og Önnereds og Skuru.
- Lena Margrét Valdimarsdóttir skoraði fjögur mörk í fjórum skotum þegar Skara HF tapaði fyrir Önnereds, 28:23, í Gautaborg í fjórðu umferð sænsku úrvalsdeildarinnar í dag.
- Aldís Ásta Heimisdóttir náði sér ekki á strik, skoraði eitt mark í níu skotum og átti eina stoðsendingu. Skara er í áttunda sæti með fjögur stig eftir fjórar viðureignir.
- Berta Rut Harðardóttir skoraði ekki fyrir Kristianstad HK þegar liðið vann Boden, 36:33, á útivelli í sænsku úrvalsdeildinni í dag. Kristianstad HK er í fjórða sæti með fimm stig.
- Ísak Gústafsson og Guðmundur Bragi Ástþórsson fögnuðu kærkomnum sigri með TMS Ringsted á SønderjyskE, 36:31, í sjöundu umferð dönsku úrvalsdeildarinnar í dag á heimavelli. Sigurinn lyfti TMS Ringsted upp í 12. sæti úr því 13. og næst neðsta. Ísak skoraði þrjú mörk í fimm skotum og átti einnig tvær stoðsendingar. Guðmundur Bragi skoraði tvisvar í fjórum tilraunum.
- Fyrir leikinn í Ringsted var tilkynnt að línumaðurinn Evegni Penov verði liðsmaður félagsins frá og með næstu leiktíð. Eins og handbolti.is sagði frá í morgun þá tilkynnti Fredericia HK um brottför Þjóðverjans í rauðabýtið.
- Katla María Magnúsdóttir skoraði þrisvar, þaraf tvisvar úr vítaköstum í sjötta sigurleik Holstebro í næsta efstu deild danska handknattleiksins í dag. Holstebro lagði Gudme HK, 28:20, er í efsta sæti deildarinnar með 12 stig eins og gefur að skilja eftir sex sigurleiki.
- Jón Ísak Halldórsson var ekki á meðal markaskorara Lemvig í dag þegar liðið lagði Give Håndboldklub, 32:28, á heimavelli í næst efstu deild karla í Danmörku. Lemvig er í 8. sæti af 14 liðum með sjö stig eftir sjö viðureignir.
- Tryggvi Þórisson var á ný með Elverum í gær þegar liðið vann Follo, 29:23, í 7. umferð norsku úrvalsdeildarinnar. Tryggvi skoraði ekki mark. Hann missti af nokkrum leikjum vegna veikinda, eftir því sem næst verður komist, en hefur nú jafnað sig. Elverum er með 11 stig eftir sjö fyrstu leikina í deildinni.
- Auglýsing -
