Elísabet Millý Elíasardóttir markvörður hafa skrifað undir tveggja ára samning við Íslandsmeistara Vals. Millý kemur til Vals frá Stjörnunni þar sem hún hefur leikið upp yngri flokka og var í meistaraflokksliði félagsins á nýliðinni leiktíð.
Millý er fædd árið 2006 og á sæti í U18 ára landsliðinu sem tekur þátt í heimsmeistaramótinu sem fram fer í Kína í ágúst. Millý hittir fyrir í landsliðinu fleiri væntanlega samherja úr Val sem verða liðsfélagar í 3. flokki á næsta tímabili ásamt því að æfa undir handleiðslu Hlyns Morthens markmannsþjálfara með meistaraflokki.
„Það er ánægjulegt að fá Millý til liðs við félagið. Ég hef fylgst þónokkuð með henni og er viss um að hún geti bætt sig mikið hjá okkur á komandi árum. Hún er framtíðar leikmaður hjá okkur,“ er orðrétt haft eftir Hlyni Morthens markvarðaþjálfara hjá Val í tilkynningu í dag.
