„Fram er með mjög gott lið og við vissum að þær myndu mæta alveg brjálaðar til leiks. Ég er því mjög sátt að okkur tókst að vinna að lokum,“ sagði Sonja Lind Sigsteinsdóttir leikmaður Hauka í samtali við handbolta.is eftir annan sigur Hauka á Fram í undanúrslitum Olísdeildar kvenna í handknattleik á Ásvöllum í kvöld, 25:24.
Sonja Lind og samherjar eru þar með aðeins einum sigri frá sæti í úrslitum um Íslandsmeistaratitilinn annað árið í röð. Þriðja viðureignin verður í Lambhagahöll Framara á föstudagskvöld.
„Það var mjög mikilvægt að fyrir okkur að náð góðum kafla í upphafi síðari hálfleiks. Mæta af krafti á þetta og ná forskoti eins og við náðum. Eftir að það tókst duttum við aðeins niður en það kom ekki að sök. Ég er bara mjög stolt og ánægð með liðið að hafa klára þetta. Við mætum af sama krafti í næsta leik og reynum að klára þetta þá,“ sagði Sonja Lind Sigsteinsdóttir leikmaður Hauka í samtali við handbolta.is í kvöld.
Lengra viðtal við Sonju Lind er að finna í myndskeiði hér fyrir ofan.
Haukar eru komnir í kjörstöðu gegn Fram
Olís kvenna: Leikjadagskrá, úrslitakeppni 2025
Eigum mikið inni sem við verðum að ná fram í næsta leik
