- Auglýsing -
- Aldís Ásta Heimisdóttir skoraði tvö mörk í þriggja marka tapi liðs hennar, Skara HF, á heimavelli í leik við HK Aranäs, 31:28, í sænsku úrvalsdeildinni í handknattleik í fyrradag. Skara HF hefur unnið enn af þremur fyrstu leikjunum í sænsku úrvalsdeildinni.
- Tumi Steinn Rúnarsson skoraði átta mörk úr níu skotum og gaf tvær stoðsendingar þegar lið hans, Alpla Hard, vann HSG Graz með 11 marka mun, 38:27, á heimavelli í 6. umferð austurrísku 1. deildarinnar í handknattleik í gær. Hannes Jón Jónsson er þjálfari Alpla Hard.
- Alpla Hard er í öðru sæti deildarinnar eftir sigurinn góða í gær með átta stig eftir sex leiki. Staðan getur breyst í dag og á morgun vegna þess að önnur lið en Alpla Hard og HSG Graz eiga eftir að leika í sjöttu umferð.
- Grétar Ari Guðjónsson varði þrjú skot, 12%, á þeim 37 mínútum sem hann stóð í marki US Ivry í 14 marka tapi liðsins, 39:25, í leik við meistara PSG í frönsku 1. deildinni í handknattleik í gær. Ivry rekur lestina í deildinni án stiga eftir fimm leiki.
- Stöðuna í frönsku 1. deildinni og fleiri deildum evrópsks handknattleiks er að finna hér.
- Auglýsing -
