- Auglýsing -
- Berta Rut Harðardóttir og Jóhanna Margrét Sigurðardóttir skoruðu eitt mark hvor þegar lið þeirra Kristianstad HK vann IF Hallby HK, 32:25, á útivelli í sænsku úrvalsdeildinni í handknattleik í gærkvöld. Berta og Jóhanna gáfu eina stoðsendingu hvor.
- Með sigrinum færðist Kristianstad upp í 9. sæti deildarinnar af 12 liðum. Liðið hefur átta stig og á leik inni á öll önnur lið deildarinnar að Önnereds undanskildu.
- Alfreð Gíslason landsliðsþjálfari Þýskalands kom með sveit sína í Herning á Jótlandi í gær þar sem liðið hefur leik á HM karla í handknattleik á morgun gegn pólska landsliðinu. Þýska liðið sem komið er til Danmerkur er skipað 17 mönnum. Áður en lagt var af stað frá Þýskalandi var ákveðið að skilja eftir Joel Birlehm markvörð og línumanninn Tim Zechel.
- Fyrsti leikur þýska landsliðsins á HM fer fram á morgun gegn pólska landsliðinu.
- Marc-Henrik Schmedt framkvæmdastjóri þýska meistaraliðsins SC Magdeburg segir ekki útilokað að félagið kræki í leikmenn á næstu viku sökum þess að fjórir leikmenn liðsins er meiddir og sumir til lengri tíma, Manuel Zehnder, Ómar Ingi Magnússon, Felix Claar og Oscar Bergendahl. Auk þess sem séu fjórir aðrir að taka þátt í HM á næstu dögum og ljóst að nóg verður hjá þeim að gera.
- Ljóst er að mikið álag verður á leikmönnum SC Magdeburg eftir að keppni hefst aftur meðal félagsliða í Evrópu í febrúarbyrjun. Þar á ofan á Magdeburg eftir að leika tvo leiki sem frestað var um jólin vegna árásarinnar á jólamarkaðinn í borginni.
- Spænski markvörðurinn Sergey Hernandez hverfur ekki á braut frá Magdeburg í sumar þegar samningur hans rennur út. Samkvæmt þýskum fjölmiðlum hefur Hernandez framlengt samning sinn a.m.k. til eins árs.
- Auglýsing -
