- Auglýsing -
- Berta Rut Harðardóttir og samherjar í Kristianstad HK voru fyrstar til þess að komast í undanúrslit sænsku bikarkeppninnar í gær. Kristianstad HK vann Ystads IF HF, 33:24, á heimavelli í síðari viðureign liðanna í átta liða úrslitum. Berta Rut skoraði eitt mark í leiknum.
- Kristianstad HK vann viðureignirnar tvær samanlagt, 64:56.
- Síðustu þrír leikir átta liða úrslita fara fram í dag. M.a. mætast Skara HF og IK Sävehof sem íslenskar handknattleikskonur leika með. Leikið verður á heimavelli Skara. Fyrri viðureign liðanna sem fram fór í Partille, heimavelli Sävehof, lauk með jafntefli, 32:32.
- Katla María Magnúsdóttir var markahæst hjá Holstebro með sjö mörk í stórsigri liðsins á heimavelli, 38:16, gegn Fredericia. Leikið var í Holstebro. Katla María skoraði tvö af sjö mörkum sínum úr vítaköstum.
- Holstebro hefur yfirburðastöðu í næst efstu deild danska handknattleiksins með 16 stig að loknum átta leikjum. Rødovre HK er í öðru sæti með 10 stig að loknum sjö leikjum.
Vinsælt lesefni:
- Auglýsing -
