Birgir Steinn Jónsson leikmaður IK Sävehof. Ljósmynd/Guðmundur Svansson
- Auglýsing -
Birgir Steinn Jónsson átti mjög góðan leik með liði IK Sävehof í gærkvöld þegar liðið vann nauman sigur á IFK Skövde, 27:25. Leikið var í Skövde.
Birgir Steinn skoraði átta mörk í 10 skotum. Hann fékk hæstu einkunn leikmanna IK Sävehof í leiknum.
Sigurinn í Skövde í gærkvöld var sá fyrsti hjá IK Sävehof sem tapaði tveimur fyrstu leikjunum.
Amo HK, sem vann tvo fyrstu leiki sína í sænsku úrvalsdeildinni, tapaði í gær í heimsókn til Alingsås, 34:30. Arnar Birkir Hálfdánsson skoraði fjögur mörk í 11 skotum fyrir Amo HK.
Stöðuna í sænsku úrvalsdeildinni og í fleiri deildum evrópsks handknattleiks að finna hér.
