- Auglýsing -
- Bræðurnir Benjamin og Senjamin Burić hafa tilkynnt að þeir hafa ákveðið að hætta að leika með landsliði Bosníu. Þeir hafa verið burðarásar í bosníska landsliðsins um árabil, Benjamin sem markvörður, og Senjamin sem línumaður og varnarjaxl. Markvörðurinn tók ekki þátt í leik Bosníu og Íslands í undankeppni EM í síðustu viku vegna meiðsla.
- Færeyski landsliðsmaðurinn Óli Mittún var valinn mikilvægasti leikmaður sænsku úrvalsdeildarinnar í handknattleik. Óli fékk 48% atkvæða. Þetta er í fjórða sinn á fimm árum sem leikmaður IK Sävehof hreppir þetta hnoss.
- Óli er aðeins 19 ára gamall. Auk þess að vera valinn mikilvægasti leikmaður deildarinnar varð Óli markakóngur. Hann kveður IK Sävehof í sumar og gengur til liðs við GOG í Danmörku. Óli skrifaði í vetur undir fjögurra ára samning við danska liðið.
- Oscar Carlén þjálfari Ystads IF er þjálfari ársins í sænsku úrvalsdeildinni. Hann stýrir liði sínu í kvöld í fyrsta úrslitaleiknum við Hammarby um sænska meistaratitilinn. Ystads IF varð deildarmeistari með nokkrum yfirburðum í vor.
- Norski landsliðsmaðurinn Sebastian Barthold er orðaður við þýska meistaraliðið SC Magdeburg. Barthold lýkur samningstíma sínum hjá Aalborg Håndbold í sumar. Á sama tíma er Magdeburg í leit að vinstri hornamanni í stað Matthias Musche sem verður frá keppni fram í febrúar á næsta ári vegna meiðsla.
- Spænski línumaðurinn Ruben Marchan hefur samið við MT Melsungen og kemur til félagsins í sumar frá PSG í Frakklandi.
- Benjamin Batsberg sem tók við sem aðstoðarþjálfari Aalborg Håndbold þegar Arnór Atlason hætti fyrir tveimur árum, hefur verið ráðinn til nýliða dönsku úrvalsdeildarinnar, Skive fH.
- Auglýsing -
