- Auglýsing -
- Einar Þorsteinn Ólafsson skoraði þrjú mörk fyrir HSV Hamburg í sjö marka sigri liðsins á norska liðinu Kolstad, 40:33, á æfingamóti (Heidi-Cup) í Þýskalandi í gær.
- Bræðurnir Arnór Snær Óskarsson og Benedikt Gunnar Óskarsson léku með Kolstad og Sigvaldi Björn Guðjónsson væntanlega einnnig. Engar upplýsingar er að fá um hverjir skoruðu fyrir Kolstad.
- Kolstad mætir Aalborg Håndbold í dag á mótinu. Aalborg, með Ágúst Elí Björgvinsson markverði innan sinna raða, vann Hannover-Burgdorf í gær. Einnig eigast við HSV Hamburg og Hannover-Burgdorf.
- Elvar Örn Jónsson, Gísli Þorgeir Kristjánsson og Ómar Ingi Magnússon skoruðu fimm mörk hver þegar SC Magdeburg vann HSC Suhr Aarau, 37:23, í æfingaleik í Aarau í Sviss.
- Svissneski handknattleiksmaðurinn Manuel Zehnder og einn leikmanna SC Magdeburg lék sem táningur með HSC Suhr Aarau. Hann varð að fylgjast með leiknum sem áhorfandi. Zehnder er ennþá úr leik eftir að slitið krossband í vináttulandsleik með landsliði Sviss á fyrstu dögum ársins.
- Zehnder varð markakóngur þýsku 1. deildarinnar leiktíðina 2023/2024 gekk til liðs við Magdeburg í upphafi síðustu leiktíðar en var einn margra leikmanna liðsins sem meiddist alvarlega á keppnistímabilinu. Zehnder vonast til þess að verða klár í slaginn með Magdeburg í lok þessa árs eða í febrúar þegar keppni hefst á ný í Þýskalandi eftir Evrópumót landsliða.
- Loksins hefur atvinnuleyfi fengist fyrir Egyptann Ahmed Khairi í Þýskalandi. Hann er þar með orðinn gjaldgengur með þýska handknattleiksliðinu SC DHfK Leipzig. Khairi er leikstjórnandi. Hann skrifaði undir eins og árs samning í Leipzig. Áður lék Khairi með Al Ahly, meistaraliði Egyptalands.
- Skriffinnska tafði fyrir komu Khairi eins og handbolti.is sagði frá á dögunum. Blandaði sendiráð Þýskalands í Kaíró sér í málið með von um að geta liðkað fyrir.
- Áfram heldur Blær Hinriksson að gera það gott með þýska liðinu Leipzig. Hann skorað sjö mörk og var markahæstur þegar liðið tapaði fyrir HSG Wetzlar, 32:30, á æfingamóti. Áðurnefndur Ahmed Khairy skoraði sitt fyrsta mark fyrir Leipzig í leiknum.
- Auglýsing -
