Einar Bragi Aðalsteinsson fyrrverandi leikmaður FH og núverandi liðsmaður IFK Kristianstad. Mynd/J.L.Long
- Auglýsing -
Einar Bragi Aðalsteinsson skoraði þrjú mörk í átta skotum í sjö marka sigri IFK Kristianstad á nágrannaliðinu, HF Karlskrona, 36:29, á heimavelli í gær.
Arnór Viðarsson skoraði einnig tvisvar fyrir Karlskrona-liðið en þurfti þrjú markskot til þess.
IFK Kristianstad er í þriðja sæti sænsku úrvalsdeildarinnar með fimm stig eftir þrjá leiki líkt og Hammarby. Malmö er efst með átta stig eftir fjórar viðureignir.
HF Karlskrona situr í níunda sæti með fjögur stig að loknum fjórum leikjum.
Danski landsliðsmaðurinn fyrrverandi, Joachim Boldsen, hefur opinberað að hann þjáist af slitgigt. Boldsen er aðeins 47 ára gamall og var um árabil einn þekktast handknattleiksmaður Dana og var m.a. í sigurliðinu á EM 2008. Alls lék Boldsen 186 landsleiki á 10 ára tímabili, 1998 til 2008.
Þýska handknattleiksliðið Flensburg tilkynnti á laugardaginn að danski landsliðsmarkvörðurinn Kevin Møller yfirgefi félagið næsta sumar. Møller hefur í hyggju að ganga til liðs við uppeldisfélag sitt, GOG á Fjóni næsta sumar.
