Einar Bragi Aðalsteinsson fyrrverandi leikmaður FH og núverandi liðsmaður IFK Kristianstad. Mynd/J.L.Long
- Auglýsing -
Einar Bragi Aðalsteinsson var næst markahæstur hjá IFK Kristianstad þegar liðið vann IFK Skövde, 36:24, á heimavelli í sænsku úrvalsdeildinni í gærkvöld. Einar Bragi skoraði sex mörk í átta skotum. Með sigrinum færðist IFK Kristianstad upp í annað sæti sænsku úrvalsdeildarinnar með níu stig eftir fimm leiki. Malmö er efst með 10 stig en hefur leikið einum leik fleira.
Óttast er að litháiski handknattleiksmaðurinn Jonas Truchanovicius hafi slitið krossband í þriðja sinn á ferlinum í viðureign Stuttgart og Melsungen á sunnudaginn. Ekki eru nema 13 mánuðir síðan Truchanovicius sleit síðast krossband í hné og var ekki kominn vel af stað og búinn að leika með Stuttgart frá upphafi keppnistímabilsins.
THW Kiel hefur einnig orðið fyrir áfalli. Danski landsliðsmaðurinn Emil Madsen meiddist á hné í viðureign liðsins við Rhein-Neckar Löwen á sunnudaginn. Forsvarsmaður THW Kiel sagði í gær að útlit væri fyrir að Madsen verði frá keppni í einhverjar vikur, jafnvel mánuði.
Forsvarsmenn danska kvennaliðsins, Bjerringbro FH, hafa tekið ákvörðun um að auglýsa ekki veðmálafyrirtæki á búningum liðsins. Hvetja þeir um leið forráðamenn annarra félaga að leiða hugann að því hvaða auglýsingar eru á búningum. Stjórnendur Bjerringbro HF í ljósi umræðu um veðmál íþróttafólks og ungmenna sé óviðunandi að þeirra mati að íþróttafólk gangi í búningum sem merktir eru veðmálafyrirtækjum.
