- Auglýsing -
- Elvar Ásgeirsson skoraði fjögur mörk fyrir Ribe-Esbjerg þegar liðið gerði jafntefli við Mors-Thy í æfingaleik í gær, 25:25.
- Frederica HK, sem Guðmundur Þórður Guðmundsson þjálfar, vann norska úrvalsdeildarliðið Drammen HK, 29:27, í æfingaleik á sunnudaginn. Ísak Steinsson markvörður U21 árs og A-landsliðs Íslands, er markvörður Drammen. Frederica HK mætir Sønderjyske í æfingaleik í dag.
- Danski landsliðsmarkvörðurinn Jannick Green hefur ákveðið að kveðja PSG í Frakklandi næsta sumar og ganga til liðs við danska úrvalsdeildarliðið HÖJ Elite. Green, sem lengi hefur verið þriðji markvörður danska landsliðsins, hefur verið atvinnumaður utan heimalandsins síðustu 11 ár.
- Lið HØJ Elite kom upp í dönsku úrvalsdeildina í vor og verður þar af leiðandi nýliði á komandi leiktíð. Félagið hefur sópað til sín stórstjörnum á síðustu mánuðum og er til alls líklegt á komandi keppnistímabili.
- Þýska landsliðskonan Jenny Behrend hefur yfirgefið HB Ludwigsburg og samið við Vfl Oldenburg. Eins og fram hefur komið í fregnum er staða HB Ludwigsburg afar slæm og leikmenn leystir undan samningum. Xenia Smits kvaddi Ludwigsburg á mánudaginn og samdi við Metz.
- Í viðbót hefur Antje Döll fyrrverandi leikmaður HB Ludwigsburg samið við Sport-Union Neckarsulm og Mareike Thomaier er að öllum líkindum á leiðinni til HSG Bensheim/Auerbach.
- Guðjón Valur Sigurðsson þjálfari Gummersbach verður án Miro Schluroff á fyrstu vikum nýs tímabils. Schluroff meiddist fyrir síðustu helgi og gat ekki leikið með liðinu á Heidi-Cup um síðustu helgi.
- Auglýsing -
