- Auglýsing -
- Henning Fritz, fyrrverandi landsliðsmarkvörður Þýskalands, hefur dregið fram skóna og ætlar að vera Flensburg til halds og trausts út keppninstímabilið eftir að ljóst var að Benjamin Buric leikur ekki fleiri leiki á keppnistímabilinu vegna meiðsla. Fritz er 46 ára gamall og lék með Magdeburg, Kiel og Rhein-Neckar Löwen á 24 ára ferli í þýsku 1. deildinni frá 1988 til 2012.
- Joan Laporta, forseti Barcelona, staðfesti í gær að Antonio Carlos Ortega taki við þjálfun karlaliðs Barcelona í handknattleik í sumar af Xavi Pascual sem óskað eftir lausn frá störfum á dögunum, m.a. vegna áhugaleysis stjórnenda Barcelona fyrir að skrifa undir nýjan samning við Aron Pálmarsson.
- Rússneski línumaðurinn Gleb Kalarash gaf í skyn í gær að hann hafi leikið sinn síðasta leik fyrir RK Vardar.
- Danski miðjumaðurinn Lasse Mikkelsen kveður MT Melsungen í sumar. Hann hefur skrifað undir þriggja ára samning við Skjern á Jótlandi. Eins og kom fram í vetur þá fer Elvar Örn Jónsson frá Skjern til MT Melsungen í sumar.
- Hinn síungi franski hornamaður Michaël Guigou hefur framlengt samning sinn við Nimes til eins árs. Guigou varð 39 ára gamall í janúar.
- Diego Simonet hefur skrifað undir samning við Montpellier sem gildir til ársins 2024. Simonet er 32 ára gamall hefur verið í herbúðum Montpellier í átta ár. Hann var lykilmaður í sigri liðsins í Meistaradeild Evrópu fyrir þremur árum.
- Auglýsing -
