- Auglýsing -

Molakaffi: Guðmundur, Ísak, Arnór, Andrea, Díana, Elín, Blær og fleiri

- Auglýsing -
  • Guðmundur Bragi Ástþórsson og Ísak Gústafsson fögnuðu sigri að loknum fyrsta æfingaleiknum með TMS Ringsted í fyrradag. Ringsted lagði Team Sydhavsøerne, 32:27. Þrátt fyrir almenna ánægju með sigurinn á samfélagsmiðlum TMS Ringsted er ekkert minnst á tölfræði úr leiknum að öðru leyti en að sex af sjö leikmönnum liðsins sem hófu viðureigna eru sagðir nýliðar hjá félaginu.
  • Næsti leikur TMS Ringsted verður gegn liðsmönnum Ferdericia HK sem Guðmundur Þórður Guðmundsson þjálfar og Arnór Viðarsson leikur með. Viðureignin fer fram á þriðjudaginn.
  • Fredericia HK lagði HSV Hamburg í síðari æfingaleik liðsins í tengslum við æfingabúðir í Þýskalandi. Fredericia HK vann, 32:30. Tekið er fram á heimasíðu Fredericia HK að allir leikmenn liðsins hafi fengið að spreyta sig og Guðmundur þjálfari hafi þreifað sig áfram með margvíslegar uppstillingar á liðinu.
  • Þýska handknattleiksliðið Blomberg-Lippe sem þrjár íslenskar landsliðskonur leika með vann Minden-Lübbecke, 47:12, í viðureign sem leikin var í fyrradag í tilefni þess að 100 ár eru frá stofnun Eintracht Oberlübbe. Andrea Jacobsen skoraði þrjú mörk, Díana Dögg Magnúsdóttir tvö mörk og Elín Rósa Magnúsdóttir eitt mark fyrir Blomberg-Lippe.
  • Blær Hinriksson skoraði fimm mörk í átta marka tapi SC DHfK Leipzig fyrir HC Elbflorenz, 35:27, í fyrradag. Engum sögum fer af frammistöðu Viktors Petersen Norberg en hann gekk til liðs við Dresden-liðið í sumar.
  • Stjörnumprýtt lið dönsku meistaranna Aalborg Håndbold vann TTH Holstebro sem Arnór Atlason þjálfar með 10 marka mun í æfingaleik. Jóhannes Berg Andrason kom til TTH Holstebro í sumar. Sem fyrr eru Danir sparir á upplýsingar um hverjir skoruðu mörk í leiknum.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -