- Auglýsing -
- Nathalie Hagman og Jamina Roberts, tvær helstu stjörnur sænska landsliðsins, íhuga að gefa ekki kost á sér aftur í landsliðið. Sú síðarnefnda sagði við TV2 í Danmörku að e.t.v. væri rétt að láta staðar numið með landsliðinu og hleypa yngri leikmönnum að. Roberts er 35 ára en Hagman er ári yngri.
- Þýska handknattleiksliðið Leipzig, sem Blær Hinriksson leikur með, hefur klófest Slóvenann Dean Bombac. Hann kemur nú þegar til félagsins og verður væntanlega gjaldgengur á morgun gegn HSV Hamburg. Bombac er 36 ára gamall leikstjórnandi sem m.a. hefur leikið með Dinamo Minsk, Pick Szeged, og Kielce og leikið 139 landsleiki. Bombac var síðast leikmaður ungverska liðsins Györi ETO KC.
- Slóvenski landsliðsmaðurinn Gasper Marguc kveður ungverska meistaraliðið One Veszprém í lok næstu leiktíðar og gengur til liðs við uppeldisfélag sitt, RK Celje í heimalandinu. Samningur Marguc við Celje er til tveggja ára. Hann hefur verið í herbúðum Veszprém í 12 ár á næsta ári en var þar áður með RK Celje Lasko.
- Franski landsliðsmaðurinn Yanis Lenne meiddist á hné í leik með One Veszprém gegn Sporting í Meistaradeild Evrópu á fimmtudaginn. Ekki er ljóst hversu alvarleg meiðslin eru. Í tilkynningu One Veszprém kemur fram að Lenne fari í skoðun hjá lækni franska handknattleikslandsliðsins í vikunni. Eftir það verður ljóst hversu alvarleg meiðslin eru. Aðeins eru fimm vikur þangað til EM karla í handknattleik hefst. Lenna leikur stórt hlutverk í franska landsliðinu. Skammt er síðan Lenne mætti til leiks aftur eftir að hafa slitið hásin.
- Þýsku handknattleiksmennirnir Martin Strobel og Tobias Reichmann hafa tekið fram skóna og samið við bandaríska handboltaliðið Los Angeles HC. Daninn Morten Olsen tók við þjálfun liðsins á dögunum.
- Franska landsliðskonan Tamara Horacek kveður RK Krim Ljubljana næsta sumar eftir tvö tímabil hjá félaginu. Hún ætlar að ganga til við Brest Bratagne í heimalandinu.
Vinsælt lesefni:
- Auglýsing -
