- Auglýsing -
- Lærisveinar Halldórs Jóhanns Sigfússonar í danska úrvalsdeildarliðinu Nordsjælland Håndbold kræktu í mikilvægt stig í botnbaráttu úrvalsdeildarinnar í gærkvöld þegar Matias Ravn Campbell skoraði jöfnunarmarkið, 33:33, 19 sekúndum fyrir leikslok á heimavelli gegn KIF Kolding. Liðin eru jöfn að stigum í 12. og 13. sæti af 14 liðum með 14 stig hvort.
- Lemvig rekur lestina með 11 stig. Holstebro, sem Arnór Atlason þjálfar, er næst fyrir ofan Nordsjælland og Kolding með 16 stig. Þrjár umferðir eru eftir af deildarkeppninni. Neðsta liðið fellur úr deildinni í vor en þau sem hafna í 9. til og með 13. sæti mætast í umspilskeppni um að forðast fall. Neðsta liðið í þeirri keppni mætir næst efsta liði 1. deildar í leikjum í umspili um sæti í úrvalsdeildinni á næstu leiktíð.
- Arnar Birkir Hálfdánsson skoraði þrjú mörk fyrir Amo HK þegar liðið tapaði fyrir Skövde, 34:29, á útivelli í sænsku úrvalsdeildinni í gær. Amo HK er í 10. sæti af 14 liðum, stigi fyrir ofan Hallby og fimm stigum á eftir Guif.
- Stöðuna í sænsku og dönsku úrvalsdeildinni og fleiri deildum í evrópskum handknattleik er að finna hér.
- Auglýsing -
