- Auglýsing -
- Ísak Steinsson markvörður og félagar hans Drammen unnu ØIF Arendal, 29:27, á heimavelli í gær í norsku úrvalsdeildinni. Ísak var í marki Drammen hluta leiksins og varði átta skot, þar á meðal eitt vítakast frá Degi Gautasyni leikmanni ØIF Arendal,
- Dagur skoraði tvö mörk fyrir ØIF Arendal-liðið og var einu sinni vikið af leikvelli í tvær mínútur.
- Drammen er í fjórða sæti deildarinnar með níu stig eftir sjö leiki. ØIF Arendal er þremur stigum á eftir í áttunda sæti.
- Kolstad er efst eins og áður í norsku úrvalsdeildinni með 14 stig eftir sjö leiki, liðið er stigi fyrir ofan Elverum. Sigvaldi Björn Guðjónsson skoraði eitt mark í öruggum sigri Kolstad á heimavelli í gær á liði Sandefjord, 37:28. Benedikt Gunnar Óskarsson skoraði ekki mark í leiknum. Arnór Snær Óskarsson var ekki í leikmannahópi Kolstad í gær. Sigurjón Guðmundsson markvörður varði þrjú skot, 30%.
- Phil Döhler markvörður náði sér ekki á strik í marki Sandefjord. Hann varði tvö skot, 17%.
- Eftir stórleik gegn Veszprém í Meistaradeild Evrópu á fimmtudagskvöld fékk Orri Freyr Þorkelsson frí frá leik með Sporting Lissabon í gær þegar liðið vann stórsigur á Póvoa AC á útivelli, 34:18. Sporting er efst og ósigrað í deildinni með fullt hús stiga eftir átta umferðir.
- Arnar Bikir Hálfdánsson og félagar í Amo HK gerðu jafntefli við sænsku meistarana, Ystads IF HK, 32:32, á heimavelli í gær. Arnar Birkir skoraði ekki mark í leiknum í fjórum skotum. Amo er í 7. sæti deildarinnar með 9 stig eftir 9 leiki. Ystads IF HK er á næstu grösum með sama stigafjölda.
- Stöðuna í mörgum deildum í evrópskum handknattleik er að finna hér.
- Auglýsing -
