- Auglýsing -
- Jakob Lárusson og leikmenn Kyndils leika til úrslita um færeyska meistaratitilinn í handknattleik kvenna gegn H71. Kyndill vann Neistan, 30:29, í öðrum undanúrslitaleik liðanna í gær. Kyndill vann einnig fyrrri leikinn. Fyrsti úrslitaleikur H71 og Kyndils verður í vikunni.
- Orri Freyr Þorkelsson og samherjar í Elverum unnu Fjellhammer í oddaleik í átta liða úrslitum norsku úrvalsdeildarinnar í handknattleik karla í gær. Leikurinn fór fram í Elverum. Orri Freyr skoraði ekki mark í leiknum. Auk Elverum eru Kolstad, Runar og Nærbø í undanúrslitum. Tvö síðarnefndu liðin mættust í undanúrslitum Evrópubikarkeppninnar í gær. Nærbø komst áfram eftir vítakeppni, samanlagt 61:60. Kristján Halldórsson var eftirlitsmaður á leiknum.
- Nærbø mætir serbneska liðið Vojvodina í úrslitaleikjum sem fram fara 27. maí í Noregi og 3. júni í Serbíu. Nærbø vann Evrópubikarkeppnina fyrir ári og hefur þar með titil að verja.
- Storhamar komst í undanúrslit úrslitakeppni norsku úrvalsdeildarinnar í handknattleik kvenna í gær með því að leggja Fredrikstad Bkl. öðru sinni í átta liða úrslitum. Axel Stefánsson er annar þjálfari Storhamar og Elías Már Halldórsson er þjálfari Fredrikstad Bkl. Með liðinu hefur leikið í vetur Alexandra Líf Arnarsdóttir. Hún gengur til liðs við Hauka í sumar eins og handbolti.is sagði frá í gær
- Elín Jóna Þorsteinsdóttir landsliðsmarkvörður varði 10 skot, 37%, þegar Ringkøbing Håndbold gerði jafntefli við Ajax København, 20:20, á heimavelli í umspili dönsku úrvalsdeildarinnar í handknattleik í gær. Ringkøbing er sloppið fyrir horn og heldur sæti sínu í deildinni. Ajax og Skanderborg eru í tveimur neðstu sætum umspilsins þegar hvort lið á tvo leiki eftir.
- Auglýsing -
