Handknattleikskonan Alexandra Líf Arnarsdóttir hefur ákveðið að ganga til liðs við Hauka í sumar og leika með liðinu á næsta keppnistímabili. Alexandra Líf hefur leikið með Fredrikstad Bkl. í norsku úrvalsdeildinni á yfirstandandi leiktíð eftir að hafa verið leikmaður HK leiktímabilið 2021/2022.
Alexandra Líf er uppalin í Haukum og lék um skeið með meistaraflokki félagsins áður en hún gekk til liðs við HK fyrir tveimur árum. Einnig hefur hún leikið með yngri landsliðum Íslands.
„Það verður gaman að sjá Alexöndru Líf aftur í Haukabúningnum en þar hittir hún gamla liðsfélaga á ný. Koma Alexöndru mun kláralega styrkja liðið fyrir næsta tímabil og hlökkum við til að sjá hana aftur á parketinu á Ásvöllum,“ segir í tilkynningu í handknattleiksdeildar Hauka.
Alexandra Líf er önnur handknattleikskonan á skömmum tíma sem ákveður að ganga til liðs við Hauka. Inga Dís Jóhannsdóttir gekk á dögunum frá samningi við Hauka sem ætlar sér stóra hluti á næsta tímabili. Nú er þegar er kvennalið Hauka komið í undanúrslit Olísdeildar.
