- Auglýsing -
- Franski landsliðsmaðurinn Luka Karabatic hefur framlengt samning sinn við franska meistaraliðið PSG til tveggja ára. Bróðir hans, Nikola, ætlar á hinn bóginn að hætta allri handknattleikskeppni að loknum Ólympíuleikunum sem hefst eftir um mánuð.
- Staðfest var í gær að Gummersbach, sem Guðjón Valur Sigurðsson þjálfar, hefur samið við einn efnilegasta markvörð heims um þessar mundir, Króatann Dominik Kuzmanovic til tveggja ára. Kuzmanovic er 22 ára gamall og hefur leikið með Nexe í heimalandi sínu í fjögur ár.
- Kuzmanovic lék fyrst með króatíska landsliðinu í fyrra en vakti ekki síst athygli á EM í Þýskalandi í janúar fyrir vasklega framgöngu. Um og Kuzmanovic kemur til Gummersbach í sumar hverfur Daniel Rebmann, markvörður, á vit nýrra ævintýra.
- Mark Bult, sem verið hefur aðstoðarþjálfari karlaliðs Flensburg í Þýskalandi, er hættur störfum hjá félaginu. Bult tekur um mánaðamótin við þjálfun Nordhorn í næst efstu deild. Eyjamaðurinn Elmar Erlingsson gengur til liðs við Nordhorn í sumar.
- Áður en Bult tók við starfi aðstoðþjálfara Flensburg 2017 hafði hann leikið með liðinu um árabil. Eftir að Maik Machulla þjálfara var sagt upp vorið 2023 stýrði Bult liðinu út tímabilið áður en Daninn Nicolej Krickau tók við síðasta sumar.
- Auglýsing -
