- Auglýsing -
- Þýski landsliðsmaðurinn Julian Köster verður frá keppni með Gummersbach næstu vikurnar vegna hnémeiðsla. Talið er sennilega að Köster geti ekki verið með þýska landsliðinu í fyrri hluta maí í síðustu leikjum undankeppni EM 2026 gegn Austurríki og Tyrklandi.
- Norski landsliðsmaðurinn Harald Reinkind leikur væntanlega ekki fleiri leiki með THW Kiel á keppnistímabilinu. Reinkind meiddist í viðureign THW Kiel og Melsungen um síðustu helgi. Norðmaðurinn hefur verið töluvert frá keppni á leiktíðinni og aðeins leikið 11 leiki í þýsku 1. deildinni.
- Eftir átta ár hjá Aalborg Håndbold kveður norski landsliðsmaðurinn Sebastian Barthold danska meistaraliðið í sumar. Ekki liggur fyrir hvert för Barthold er heitið. Hann hefur leikið hátt í 400 leiki fyrir Aalborg Håndbold og skorað á annað þúsund mörk. Landi Barthold, Alexander Blonz, kemur til danska liðsins í staðinn. Einnig er vinstri hornamaðurinn Buster Juul á samningi.
- Þýski handknattleiksmaðurinn Ole Rahmel sem árum saman hefur leikið með Benfica í Portúgal ætlar að leggja skóna á hilluna í sumar. Hann tekur í framhaldinu við starfi íþróttastjóra hjá HC Erlangen sem Viggó Kristjánsson leikur með. Á sama tíma kemur Daniel Pankofer til HC Erlangen. Hann hefur verið ráðinn markaðs- og fjölmiðlafulltrúi félagsins. Pankofer er nú starfsmaður VfL Lübeck-Schwartau.
- Tjasa Stanko leikstjórnandi landsliðs Slóveníu og Krim Ljubljana hefur samið við Evrópumeistara Győri Audi ETO KC frá og með 1. júlí. Talsmenn ungverska liðsins segja að með komu Stanko sé leikmannhópur félagsins fyrir næstu leiktíð tilbúinn. Stanko er síðasta púslið sem vantaði inn í myndina.
- Auglýsing -
