- Auglýsing -
- Samstaða hefur myndast um framboð Torsten Laen í stól formanns danska handknattleikssambandsins á þingi sambandsins snemma í júní. Laen er fyrrverandi landsliðsmaður og atvinnumaður í handknattleik.
- Nokkur órói hefur verið innan stjórnar danska sambandsins síðustu mánuði eftir að Morten Stig Christensen, formaður, varð brákvaddur um aldur fram í haust. Jan Kampman, varaformaður, tók við af Christensen en staldraði aðeins við í embætti í þrjá mánuði. Hann hætti skyndilega í febrúar þegar að ekki náðist samstaða um störf hans og framboð á komandi þingi.
- Randi Gustad var á dögunum kjörin formaður norska handknattleikssambandins. Gustad, sem er lögmaður, er fyrsta konan sem gegnir embættinu. Hún er fyrrverandi handknattleikskona og lék 50 landsleiki á fyrsta áratug aldarinnar og varð Evrópumeistari 2004. Gustad tekur við af Kåre Geir Lio sem verið hefur formaður norska handknattleikssambandsins um árabil. Lio gaf ekki kost á sér til endurkjörs.
- Igor Karacic kveður pólska liðið Indurstria Kielce í sumar eftir að hafa leikið með liðinu í sex ár. Óvíst er hvað tekur við hjá hinum 36 ára gamla Króata en ólíklegt er að hann sé á þeim buxunum að leggja skóna á hilluna.
- Svíinn Oscar Bergendahl lék á ný með SC Magdeburg gegn Gummersbach í fyrrakvöld. Hann hafði verið fjarverandi vegna meiðsla síðan í byrjun ársins.
- Miro Schluroff, einn traustasti leikmaður Gummersbach, hefur skrifað undir nýjan þriggja ára samning. Þetta eru jákvæð tíðindi fyrir félagið sem sér á bak landsliðsmannsins Julian Köster til THW Kiel eftir ár.
- Staðfest hefur verið að norski landsliðsmaðurinn Sebastian Barthold gengur til liðs við SC Magdeburg í sumar þegar samningur hans við Aalborg Håndbold rennur úr. Barthold hleypur í skarðið fyrir Matthias Musche sem verður frá keppni vegna meiðsla fram í febrúar á næsta ári.
- Auglýsing -
