- Auglýsing -
- Handknattleikskonan Morgan Marie Þorkelsdóttir hefur tekið fram keppnisskóna á nýjan leik og hefur æft af krafti með Val upp á síðkastið. Morgan lék síðast með Val keppnistímabilið 2018/2019 og varð Íslandsmeistari. Hún hefur ákveðið að hella sér í slaginn aftur og til staðfestingar hefur Morgan skrifað undir tveggja ára samning við Hlíðarendaliðið.
- Steinunn Hansdóttir skoraði eitt mark í síðari hálfleik fyrir Skanderborg Håndbold tapaði fyrir NFH (Nyköbing Falster) í fyrsta leik dönsku úrvalsdeildarinnar í handknattleik í gærkvöld, 31:29. Steinunn og félagar voru þremur mörkum yfir að loknum fyrri hálfleik á heimavelli í gærkvöld, 18:15.
- Stórleikur var í fyrstu umferð dönsku úrvalsdeildarinnar í gærkvöld þegar Team Esbjerg tók á móti Viborg á heimavelli. Viborg vann með fjögurra marka mun, 34:30. Jafnt var að loknum fyrri hálfleik, 16:16. Norska stórstjarnan Marit Malm Frafjord sem gekk til liðs við Esbjerg í sumar náði ekki að sýna sínar bestu hliðar í leiknum og skoraði aðeins eitt mark.
- Elín Jóna Þorsteinsdóttir, landsliðsmarkvörður, verður í eldlínunni í dönsku úrvalsdeildinni í kvöld þegar nýliðar Ringköbing, sem Elína Jóna gekk til liðs við í sumar, taka á móti Randers á heimavelli.
- Bjarki Már Elísson skoraði þrjú mörk fyrir Lemgo þegar liðið vann Nordhorn, 25:22, í æfingaleik. Þetta var síðasti æfingaleikur Bjarka og félaga áður en þeir mæta meisturum Kiel í meistarakeppni Þýskalands, Super Cup, á laugardaginn. Þá leiða meistarar og bikarmeistarar síðasta tímabil saman hesta sína.
- Auglýsing -
