- Auglýsing -
- Óðinn Þór Ríkharðsson skoraði sjö mörk í öruggum sigri Kadetten Schaffhausen á HSC Suhr Aarau, 30:24, í Aarau í gær. Þetta var 17. sigur Kadetten í A-deildinni í Sviss á leiktíðinni. Liðið er langefst, níu stigum á undan Pfadi Winterthur sem er í öðru sæti.
- Birgir Steinn Jónsson skoraði eitt mark í þriggja marka sigri IK Sävehof á HF Karlskrona á heimavelli í sænsku úrvalsdeildinni í gærkvöld, 39:36.
- Arnór Viðarsson var umsvifamikill í liði Karlskrona og skoraði m.a. sjö mörk auk þess að gefa lítið eftir í vörninni.
- IK Sävehof færðist upp í fjórða sæti deildarinnar með sigrinum. Karlskrona er áfram í áttunda sæti af 14 liðum deildarinnar.
- Lena Margrét Valdimarsdóttir skoraði ekki fyrir Skara HF en átti tvær stoðsendingar þegar liðið vann Skuru, 34:31, á útivelli í sænsku úrvalsdeildinni í gærkvöld þegar þráðurinn var tekinn á ný í deildarkeppninni eftir hlé vegna heimsmeistaramótsins. Skara HF er í 3. sæti með 14 stig eins og Önnereds og IK Sävehof. Síðarnefnda liðið á leik í kvöld við Skövde.
- Berta Rut Harðardóttir var heldur ekki á meðal þeirra sem skoruðu fyrir Kristianstad í níu marka sigri á IF Hallby HK, 32:23, á heimavelli. Berta Rut átti eina stoðsendingu.
- Blær Hinriksson skoraði tvö mörk fyrir Leipzig þegar liðið tapaði með átta marka mun fyrir spútnikliði Lemgo á heimavelli, 35:27, í átta liða úrslitum þýsku bikarkeppninnar í handknattleik í gærkvöld. Þrír leikir í átta liða úrslitum fara fram í kvöld.
Vinsælt lesefni:
- Auglýsing -
