- Auglýsing -
- Olga Bjarnadóttir, 2. varaforseti í framkvæmdastjórn Íþrótta- og ólympíusambands Íslands hefur ákveðið að gefa kost á sér til embættis forseta ÍSÍ á þingi sambandsins 16.-17. maí. Áður hefur Willum Þór Þórsson lýst yfir framboði.
- Olga er þrautreynd eftir áratugastarf innan íþróttahreyfingarinnar. Hún hefur setið í framkvæmdastjórn ÍSÍ síðustu sex ár.
- Árni Snær Magnússon og Þorvar Bjarmi Harðarson dómarar dæmdu fyrri viðureign Svíþjóðar og Kósovó í umspili heimsmeistaramóts kvenna í handknattleik á fimmtudaginn. Leikurinn fór fram í Karlskrona í Svíþjóð og lauk með stórsigri Svía, 51:16. Árni Snær og Þorvar Bjarmi hafa ekki áður dæmt leik í undankeppni A-landsliða fyrir stórmót.
- Juan Carlos Pastor hefur látið af starfi landsliðsþjálfara egypska karlalandsliðsins í handknattleik. Pastor var við stjórnvölin í tvö ár. Egyptar höfnuðu í 5. sæti á HM í janúar eftir naumt tap fyrir Frökkum í átta liða úrslitum, 34:33.
- Orðrómur hefur verið á sveimi síðustu daga að Pastor væri að hætta. Einnig hafa verið fregnir um að Xavier Pasual þjálfari ungverska meistaraliðsins One Veszprém taki við.
- Handknattleikssamband Kósovó hefur verið sektað um 4.000 evrur, jafnvirði um 600.000 kr vegna óviðunandi hegðunar vallarþular á landsleik Kósovó og Úkraínu sem fram fór í Pristina 13. mars í undankeppni EM karla í handknattleik. Vallarþulurinn fór út fyrir verksvið sitt að mati Handknattleikssambands Evrópu með því að draga taum heimaliðsins.
Vinsælt lesefni:
- Auglýsing -
