Molakaffi: Ómar, Gísli, Elliði, Teitur, Guðjón, Andri, Rúnar, Viggó, Viktor

• Ómar Ingi Magnússon skoraði sex mörk í eins marks sigri SC Magdeburg á Gummersbach, 32:31, í þýsku 1. deildinni í handknattleik í gær. Gísli Þorgeir Kristjánsson skoraði þrjú mörk og gaf þrjár stoðsendingar fyrir Magdeburg í sigrinum nauma en góða. Magdeburg er komið upp í þriðja sæti með 43 stig eftir 27 leiki, sex stigum á eftir Füchse Berlin sem er í efsta sæti en hefur leikið tveimur leikjum fleira.
  
• Þau góðu tíðindi bárust í gær Elliði Snær Viðarsson lék á ný með Gummersbach eftir nokkra vikna fjarveru vegna meiðsla. Elliði Snær skoraði tvö mörk í gær og var einu sinni vikið af leikvelli.
  
• Teitur Örn Einarsson skoraði fjögur mörk og átti tvær stoðsendingar í liði Gummersbach sem situr í 9. sæti þýsku 1. deildarinnar undir stjórn Guðjóns Vals Sigurðssonar.

• Andri Már Rúnarsson var næst markahæstur hjá SC DHfK Leipzig í tveggja marka sigri liðsins í heimsókn til HC Erlangen í þýsku 1. deildinni í handknattleik í gær. Rúnar Sigtryggsson er þjálfari.
  
• SC DHfK Leipzig sem fór upp í 12. sæti með sigrinum. Liðið hefur 21 stig eftir 29 leiki og er tveimur stigum fyrir ofan Göppingen sem á leik í kvöld.
  
• Viggó Kristjánsson skoraði sex mörk fyrir HC Erlangen gegn sínum fyrri samherjum en hann var seldur frá Leipzig um áramótin. Einnig átti Viggó eina stoðsendingu og var einu sinni vikið af leikvelli í tvær mínútur.
  
• Erlangen á fjóra leiki eftir og er í þriðja neðsta sæti með 12 stig. Bietigheim situr í næsta neðsta sæti með 10 stig auk þess að hafa leikið þremur leikjum færra en Erlangen.
  
• Viktor Petersen Norberg skoraði sex mörk og var tvisvar vikið af leikvelli þegar lið hans, HSG Wetzlar, tapaði fyrir Flensburg á heimavelli í þýsku 1. deildinni í handknattleik í gær, 34:28.
  
• Þetta var fyrsti leikur Wetzlar eftir að Serbinn Momir Ilic tók við þjálfun liðsins um síðustu mánaðamót, nokkru fyrr en til stóð. Ilic átti að taka við þjálfun í sumar en vegna slaks árangurs var fyrr kallað í hann. Um var að ræða níunda tap Wetzlar í síðustu 10 leikjum.

Staðan í þýsku 1. deildinni handknattleik karla: