- Auglýsing -
- Andreas Palicka landsliðsmarkvörður Svíþjóðar er sagður kveðja norska liðið Kolstad í sumar og ganga til liðs við Füchse Berlin. Palicka kom til Kolstad fyrir yfirstandandi leiktíð. Fram undan er mikill samdráttur á öllum sviðum hjá Kolstad, m.a. launalækkun og mun Palicka ekki vera tilbúinn að vera í Þrándheimi annan vetur ef hægt er að komast í betri vist.
- Palicka mun ekki vera eini markvörðurinn sem Füchse Berlin hefur til athugunar. Norski landsliðsmarkvörðurinn Torbjørn Bergerud hefur einnig verið orðaður við Füchse Berlin. Bergerud er samningsbundinn Wisla Plock í Póllandi. Hann kom til félagsins frá Kolstad þegar Viktor Gísli Hallgrímsson gekk til liðs við Barcelona.
- Hollenska landsliðskonan Zoé Sprengers tilkynnti óvænt í gær að hún hefði óvænt náð samkomulagi við danska úrvalsdeildarliðið Nykøbing Falster Håndboldklub um slit á samstarfi. Sprengers átti hálft eftir af samningi sínum við félagið.
- Í morgunsárið tilkynnti Esbjerg að félagið hefði samið við Zoé Sprengers um að leika með liði félagsins út keppnistímabilið.
- Spænska meistaraliðið hefur gert samning við 17 ára gamlan hornamann, Adrián Sola, til næstu þriggja ára. Sola þykir mikið efni og skoraði sitt fyrsta mark í spænsku 1. deildinni í mars á þessu ári þá 16 ára og 10 mánaða gamall. Hann er næstyngsti leikmaður Barcelona í sögunni til að skora mark í efstu deild.
- Einn þriggja markvarða sænska kvennalandsliðsins á síðustu árum, Evelina Eriksson, hefur ákveðið að kveðja rúmenska meistaraliðið CSM Búkarest næsta sumar. Hún færir sig til innan Rúmeníu og tekur upp þráðinn með Gloria Bistrita.
Vinsælt lesefni:
- Auglýsing -
